ADAME E EVA

Lu Patraterne ha dette : " Facce Adame !" Pu' ha 'mpastate la terre e là pe' là l'abbirrutate come nu salame, ci ha 'ttaccate la cocce pe' penzà, ddu' vracce nghe li mane, e pu li cosse nghe li pide pe' falle caminà. J'ha suffiate 'n 'mbacce e nghe ddu’ mosse l'alzate e ha dette : "Mò, 'bbij a campa !" E Adame va: nu jurne pe' di qua, si fa lu stesse gire cente vote, serie e mute, pu' cagne pe' dillà, camine sole e manghe cchiù s'arvote. Passe lu tempe e sta sempre cchiù triste 'stu poverome, e a Ddije abbij' a fa pene, fine a quande ha dicise: " Mbè, so' viste! ‘Na cumpagne è ore ca je deme!" E cuscì l'ha chiamate, l'addurmite, j'ha tote 'na custate, l'ampastate, con attenzione appresse l'ha sculpite, ha fatte Eve e je l'ha 'ccumpagnate. E Adame quelle ca teneve prime l'ha tenuta spartì a metà nghe Eve, pecchè chella cumpagne ere sublime, e pu'.... lu Patreterne le vuleve. V'ammaginete Adame abituate nghe li scimmie a scagnà cacche parole quande vide ca je stev'azzeccate chela grazie di Ddije pe' esse sole?

Nghe li sguarde ha 'bbijate la fusione: chellè ha surrise e....cuscì l'ha fricate, cullù ha fatte gna fusse nu pavone: ha 'bbuttate lu pette e l'ha fissate. L'identità di Adame ere maschile: 'ngignose e musculose, nghe la forze p'arrangiarse a zappà nghe nu badile, ma assaje gintile sott'a chella scorze. Femminile l'identità di Eve: si pijò la furbizzje e la dulcezze, l'intuite, specie quande surrideve, nghe l'emotività e la tenerezze. Differenze che so' forze distinte ma certamente nen so' contrapposte: c'è bisogne d'usarle tutte quinte pe' tira 'nnanze sempre, senza soste. Ognune de le parte ha da cercà d'arisvijà dentra chell'atra parte quelle che mò s'ha jite a 'nnascunnà: sole accuscì si po' vince la morte. L'ommene cerche, da che monne è monne, 'na femmene pe' farse arcunsulà; la femmene se guarde tonne tonne e cape n'ommene pe se fa rscallà! 'Sti ddu' metà che pare scumpagnate, ma senza l'atre nen ce ponne sta', pare spesse ca s'hanne alluntanate ma l'Amore...... l'ariesce a 'rcumpattà.